تعال علّمني أنسى !!

[size=21]زيْ ما زمان قرّيتني حبّك

وكنت أشطر زول أحبّ

تعال كمان علّمني أنسى

أسيب هواك لو حتى حبّة

من وعيت و أنا ماشّي دربك

وإحساسي كان يادوبو تبّ

كم سنين وأنا قلبي قُرْبك

من هواك كم شال وعبّ

كلْ أوامرك كان بطيعها

هل حصل في يوم تأبّى !!؟

ليه فجأة تمشي تسيبو حائر

في متاهات حزنو يشْقَى

وجرحو في جوّاه غائر

كلّ يوم آهاتو تبْقَى

ساقية دائرة تفيض مرائر

تسقي همّو تزيدو حُرقة

أصلو قلبك ديمة جائر

جزاه ليْ حرمان وفُرقة !!

بكرة ظلمك ليْ بباين

في كلْ خطاويك الجديدة

وتبقى في همومك تعاين

ما تفتكر باكر بعيدة

ما كلْ صنيعك فيني باين

ما بدور أبداً أكيدة

ربي يغفر ليك يا خائن

كُلْ مظالم إنتَ سيدها !!

[/size]